Jónsson & Le'macks

Daglega leggja þúsundir Íslendinga leið sína í Kringluna og má segja að þessi rótgróna verslunarmiðstöð skipi mikilvægan sess í daglegu lífi þjóðarinnar. Herferð fyrir slíkt fyrirtæki þarf ekki síður að koma slíkum atriðum til skila en að sýna fram á það mikla úrval sem Kringlan hefur að bjóða. Útkoman er herferð sem fjallar um stærstu fjölskyldu landsins, í stærsta húsi landsins, með stærsta fataskápinn, stærsta matarbúrið og undirliggjandi er ávallt boð til áhorfandans um að kíkja í heimsókn.

Í sjónvarpi er farið alla leið með þetta líkingamál og dregin upp mynd af skemmilegu, líflegu, smá kaótísku en umfram allt hlýlegu samfélagi þar sem öllu ægir saman undir einu þaki. Á prenti og útvarpi er lögð meiri áhersla á úrvalið sem birtist okkur í formi stuttra, rímaðra erinda sem teikna upp myndir af gnægð að hverskyns varningi, jafnt lífsnauðsynjum sem lúxus nýlenduvörum.